Վահան Կոբելյան

Փիլիսոփայության դոկտոր (PhD) «Հիդրոտեխնիկական կառույցներ և մելիորացիա» մասնագիտությամբ

Իր մասնագիտական գործունեության ընթացքում աշխատել է ջրային տնտեսության, ոռոգման և ոռոգման համակարգերի բազմաթիվ նախագծերի վրա Հայաստանի տարբեր մարզերում և Արցախում, ինչպես նաև մասնակցել է մի շարք գիտական նախագծերի։ Նա ղեկավարել է իրականացվող աշխատանքները, իրականացրել գործող համակարգերի ուսումնասիրություններ, կազմել և գնահատել առաջնահերթ և երկարաժամկետ նախագծեր, ընտրել ջրատարների նախագծային լուծումները, կատարել առանձին հանգույցների հաշվարկային մեծությունների հաշվարկներ և դրանց հիմնավորումները։

Մասնագիտական գործունեության ընթացքում իրականացված առավել նշանակալի նախագծերից են՝

• Շիրակի, Գեղարքունիքի, Սյունիքի, Տավուշի, Արագածոտնի և Կոտայքի մարզերում արոտավայրերի ջրահեռացման համակարգերի կառուցման նախագծանախահաշվային աշխատանքները, փորձաքննության իրականացում և հեղինակային հսկողություն («Գյուղատնտեսական ծրագրերի իրականացման միավոր» ՊՈԱԿ, 2011–2017 թթ.),

• 6 գլխավոր ջրանցքների նախագծում (ԱՄՆ «Հազարամյակի մարտահրավերներ» հիմնադրամ, 2007–2011 թթ.),

• Մարտունու տարածաշրջանի 800 հեկտար տարածքի ոռոգում՝ ժամանակակից ոռոգման մեթոդներով,

• ՀՀ Արին, Արագածավան, Արծիս, Փթղավան համայնքներում պտղատու այգիների հիմնադրման նախագծային և հետազոտական աշխատանքներ («Հայկական միրգ» ԲԲԸ, 2012 թ.),

• Նախագծում և հեղինակային հսկողություն (գազամատակարարում, ոռոգում և ջրամատակարարում) (Գյուղական տնտեսության զարգացման ծրագրի իրականացման միավոր, 2013–2014 թթ.),

• Ջրային ոլորտի ներդրումային ծրագիր – տեխնիկատնտեսական հիմնավորում (ՎԶԵԲ / «COWI Engineering, Environmental and Economic Consulting» ՍՊԸ, 2015–2018 թթ.),

• Արագածոտնի, Շիրակի, Լոռու, Տավուշի, Գեղարքունիքի, Սյունիքի և Կոտայքի մարզերի 26 համայնքներում ոռոգման համակարգերի կառուցման նախագծային փաստաթղթերի կազմավորում և փորձաքննություն, ինչպես նաև լիազորված հեղինակային հսկողության իրականացում (Գյուղատնտեսության զարգացման հիմնադրամ, 2018 թ.–մինչ օրս)։